ಪ್ರಥಮ್ ಬುಕ್ಸ್ ಸ್ಟೋರಿವೀವರ್ ನ (https://storyweaver.org.in) ಮತ್ತೆ ಹೇಳಿ, ಮರು ಜೋಡಿಸಿ, ನಲಿದಾಡಿ ಅಭಿಯಾನ ವು (Retell, Remix, Rejoice) ಮಾ.20 ರಿಂದ ಶುರುವಾಗಲಿದೆ. ಈ ಮೂಲಕ ಪ್ರಥಮ್ ಬುಕ್ಸ್ ನ ವಾರ್ಷಿಕ ಕತೆ ಹೇಳುವ ಸ್ಪರ್ಧೆಗೆ ಚಾಲನೆ ಸಿಗಲಿದೆ.
ಪ್ರತಿ ವರ್ಷ ಮಾ.20ಕ್ಕೆ ನಮಗಾಗಿ ಕತೆಗಳನ್ನು ಬರೆದ ಲೇಖಕರು, ಓದುಗರಿಂದ ಆಯ್ದ ಕೆಲವು ವಿಷಯಗಳ ಮೂಲ ಎಳೆಯೊಂದಿಗೆ ಕತೆಗಳನ್ನು ಬರೆಯಲು ಆಹ್ವಾನಿಸುತ್ತೇವೆ. ಈ ಎಲ್ಲಾ ವಿಷಯಗಳು ಪ್ರಥಮ್ ಬುಕ್ಸ್ ಸಂಪಾದಕೀಯ ಬಳಗದ ಆಯ್ಕೆಯೇ ಆಗಿರುತ್ತದೆ.
2019ರ ಅಭಿಯಾನದ ಮುಖ್ಯ ಉದ್ದೇಶ ಕನ್ನಡ, ಹಿಂದಿ, ಬಂಗಾಳಿ, ಮರಾಠಿ, ತಮಿಳು , ಉರ್ದು ಮತ್ತು ಇಂಗ್ಲಿಷ್, ಫ್ರೆಂಚ್, ಸ್ಪ್ಯಾನಿಶ್ ಭಾಷೆಗಳಲ್ಲಿ ಹೊಚ್ಚ ಹೊಸ ಕತೆಗಳನ್ನು ಬರೆಸುವುದು ಮತ್ತು ಈ ಭಾಷೆಗಳ ಕತೆಗಳಿಗೆ ಓದುಗರನ್ನು ಹೆಚ್ಚಿಸುವುದು. ಭಾರತದ ಪ್ರಾದೇಶಿಕ ಭಾಷೆಗಳಲ್ಲಿ ಉದಯೋನ್ಮುಖ ಬರಹಗಾರರನ್ನು ಗುರುತಿಸಿ, ವೇದಿಕೆ ಒದಗಿಸುವುದು ಈ ಅಭಿಯಾನದ ಧ್ಯೇಯೋದ್ದೇಶ.
ಹಂತ 1, 2 ರಂತಹ ಸರಳ, ಓದಲು ಸುಲಭ ಕತೆಗಳನ್ನು ಬರೆದು, ಸ್ಟೋರಿವೀವರ್ ನಲ್ಲಿ ಪ್ರಕಟಿಸುವುದು ಇದರ ಪ್ರಮುಖ ಕಾರ್ಯ ಚಟುವಟಿಕೆ.
* (ಹಂತ 1 : 1- 4 ವರ್ಷದ ಮಕ್ಕಳು ಓದಬಲ್ಲ, ಹಂತ 2: 4-8 ವರ್ಷದ ಮಕ್ಕಳು ಓದಬಲ್ಲ)
2019ರ ವಿಷಯಗಳು
ಕುಟುಂಬ, ಸ್ನೇಹಿತರು ಮತ್ತು ನೆರೆಹೊರೆಯವರನ್ನು ಕುರಿತಾದ ಕತೆಗಳು: ತಂದೆ-ತಾಯಿ, ಸೋದರರು, ಚಿಕ್ಕಪ್ಪ- ಚಿಕ್ಕಮ್ಮಂದಿರು, ಅಜ್ಜ-ಅಜ್ಜಿಯರು… ಕುಟುಂಬ, ಪರಿವಾರದ ಪರಿಕಲ್ಪನೆ, ಗೆಳೆಯರು ಮತ್ತು ಸಮುದಾಯ ಕುರಿತಾದ ಯಾವುದೇ ವಸ್ತು ಕತೆಯಾಗಬಹುದು.
ಮುದ ನೀಡುವ ಕತೆಗಳು: ಹಾಸ್ಯದ ಮೂಲಕ ವಿಷಯ ತಿಳಿಸುವ ಯಾವುದಾದರೂ ಕತೆ.
ಆಟಗಳನ್ನು ಕುರಿತ ಕತೆ: ಫುಟ್ ಬಾಲ್, ಕ್ರಿಕೆಟ್, ಗಿಲ್ಲಿ-ದಾಂಡು, ಕೂಡಿ ಆಡುವ ಯಾವುದೇ ಆಟ, ಸಮುದಾಯ ಕುರಿತ ಕತೆಗಳು. ಕ್ರೀಡಾ ಸಾಧಕರ ಸ್ಫೂರ್ತಿದಾಯಕ ಕತೆಗಳು.
ಶಾಲಾ ಕತೆಗಳು: ಶಾಲಾ ದಿನಗಳು, ಗೆಳೆತನ, ವಿದ್ಯಾರ್ಥಿಗಳು ಮತ್ತು ಶಿಕ್ಷಕರು, ಶಾಲಾದಿನಗಳ ಮಧುರ ಮೆಲುಕುಗಳು, ಅಷ್ಟೇ ಏಕೆ ಊಟದ ಸಮಯ ಇತ್ಯಾದಿ. ವಿಷಯಗಳಿರುವ ಕತೆಗಳು.
ಪದ ಮಿತಿ: 300 – 400
ಕತೆಗಳನ್ನು https://storyweaver.
ಸ್ಪರ್ಧೆಯಲ್ಲಿ ಪಾಲ್ಗೊಳ್ಳಲು ನೀವು ಸ್ಟೋರಿವೀವರ್ ನಲ್ಲಿ ಖಾತೆ ತೆರೆಯಬೇಕು (ಸುಲಭ ಮತ್ತು 30 ಸೆಕೆಂಡುಗಳಲ್ಲಿ ಮುಗಿವ ಪ್ರಕ್ರಿಯೆ ಇದು)
==
ಸಹಕಾರದ ನಿರೀಕ್ಷೆ
ಸಹಕಾರದ ನಿರೀಕ್ಷೆ
ಲೇಖಕರು, ಸಮಾನಾಸಕ್ತರು ನಿರ್ದಿಷ್ಟ ಸಾಮಾಜಿಕ ಜಾಲತಾಣಗಳಲ್ಲಿ ಅಭಿಯಾನ ಕುರಿತ ಪ್ರಥಮ್ ಬುಕ್ಸ್ ನ ಇ-ಪೋಸ್ಟರು ಗಳನ್ನು ಪ್ರಕಟಿಸುವ ಮೂಲಕ ಮಾಹಿತಿ ಹಂಚಿಕೊಳ್ಳಬೇಕು.
ಕನ್ನಡದಲ್ಲಿ ಅತ್ಯುತ್ತಮ ಕತೆ ಬರೆದ ಒಬ್ಬ ವಿಜೇತರಿಗೆ ವಿಶೇಷ ಬಹುಮಾನ ಸಿಗಲಿದೆ.
==