Facebook

ನಾಲ್ವರ ಹನಿಗಳು: ಹುಸೇನ್ ಎನ್, ಶೀತಲ್, ಉಪೇಂದ್ರ ಪ್ರಭು, ಹರಿಪ್ರಸಾದ್ ಎ.

ಕನ್ನಡದ ಬರಹಗಳನ್ನು ಹಂಚಿ ಹರಡಿ

 

ದನಿಯಾಗದ ಹನಿಗಳು 

೧.
ನೆನಪಿನ ಪುಟಗಳಲ್ಲಿ ಅಡರಿ ಬಿದ್ದ 
ನಿನ್ನೆಗಳಲ್ಲಿ ನನ್ನ ಪ್ರಣಯಕ್ಕೆ 
ನಿನ್ನ ರೂಪವಿತ್ತು..
ಇಂದು ನನ್ನ ವಿರಹಕ್ಕೂ…!  
 
೨.
ದುಃಖ ಸತ್ಯಗಳು 
ನನ್ನ ನೋಡಿ 
ನಗುತಿದೆ;
ದುಃಖ ಮರೆಯಲು 
ನಾನೂ..!  
 
೩.
'ಯಾಕಾಗಿ ನೀನನ್ನ ಉಪೇಕ್ಷಿಸಿದ್ದು?' 
ಕೇಳಿತು ಕಣ್ಣೀರ ಹನಿ … ಕಣ್ಣಲ್ಲಿ.
'ನಾನನುಭವಿಸುವ ನೋವು ನಿನಗೆ ತಿಳಿಯದಿರಲು..!'  
ಉತ್ತರಿಸಿತು ಕಣ್ಣು.  
 
೪.
ಎಲೆಗಳು ಪರಸ್ಪರ ತಾಕದಿರಲು
ದೂರ ದೂರದಲಿ ನೆಟ್ಟ 
ಮರದ ಬೇರುಗಳು 
ಭೂಗರ್ಭದಲಿ ಬಿಗಿದಪ್ಪಿದವು..!
 
-ಹುಸೇನ್ ಎನ್ 

 

ತಂಗಾಳಿ..

ಪ್ರಿಯೆ ನೀನಿಲ್ಲದ ಜೀವನ ,
ಭಾವನೆಗಳಿರದ ಬರಿಯ ಪದಗಳ ಕವನ ,
ಬಾ ಬೇಗ ಬಾಡಿರುವ ಬದುಕಿಗೆ  ಮರಳಿ ,
ಬೀಸಿದಂತೆ  ಬರಡು  ಭೂಮಿಯಲ್ಲಿ ತಂಗಾಳಿ…

-ಶೀತಲ್

 

ಗೌರವ

ನಾಲಗೆ ಸಡಿಲಾಗಿ
ಮಾತು ಹಗುರಾದಾಗ
ಗಳಿಸಿದ್ದೆಲ್ಲಾ
ಮಣ್ಣುಪಾಲು!

-ಹರಿಪ್ರಸಾದ್ ಎ.

 

ಜ್ಞಾನಾರ್ಜನೆ

ಕೆಲವಂ ಬಲ್ಲವರಂ ಕಾಡಿ

ಕೆಲವಂ ಬಲ್ಲವರಂ ಬೇಡಿ

ಕೆಲವು ಬಲ್ಲವರಂ ಕಾಡಿ, ಬೇಡಿ

ಮತ್ತೆ ಕೆಲವರಂ ಕಾಡಬೇಡಿ

ಇನ್ನು ಕೆಲವರು ಬೇಡ ಬಿಡಿ…

-ಉಪೇಂದ್ರ ಪ್ರಭು


ಕನ್ನಡದ ಬರಹಗಳನ್ನು ಹಂಚಿ ಹರಡಿ
You can leave a response, or trackback from your own site.

9 Responses to “ನಾಲ್ವರ ಹನಿಗಳು: ಹುಸೇನ್ ಎನ್, ಶೀತಲ್, ಉಪೇಂದ್ರ ಪ್ರಭು, ಹರಿಪ್ರಸಾದ್ ಎ.”

  1. sharada moleyar says:

    ದನಿಯಾಗದ ಹನಿಗಳು -by -ಹುಸೇನ್ ಎನ್
    ತಂಗಾಳಿ.-by -ಶೀತಲ್
    ಗೌರವ-by -ಹರಿಪ್ರಸಾದ್ ಎ.
    ಜ್ಞಾನಾರ್ಜನೆ-by -ಉಪೇಂದ್ರ ಪ್ರಭು
    alla hanigavanagalu uttamavagive.
    attracts the readers. by inner meanings.
    ಗೌರವ-thumba istavaythu

  2. Ganesh Khare says:

    ಎಲ್ಲ ಹನಿಗಳೂ ಅರ್ಥಭರಿತವಾಗಿವೆ.

  3. ಎಲ್ಲವೂ ಇಷ್ಟವಾದವು…

  4. ಎಲ್ಲಾ ಹನಿಗಳೂ ತಣಿಸುತ್ತವೆ…

  5. All are superb.
    Upendra sir, "ಬೇಡ ಬಿಡಿ" made me laugh:)  Good Punch.

  6. hipparagi Siddaram says:

    ಹನಿಗಳು ತೊಟ್ಟಿಕ್ಕುತ್ತಿವೆ….
    ರುಚಿಯೊಂದಿಗೆ….ಚೆನಗನಾಗಿವೆ…ಧನ್ಯವಾದಗಳು !

  7. ಎಲ್ಲವೂ ಇಷ್ಟವಾದವು, especially ದನಿಯಾಗದ ಹನಿಗಳ ಮೌನ ಕಾಡುವಂತಿದೆ…

  8. Hussain says:

    ಮೆಚ್ಚಿದ ಮಹನೀಯರಿಗೆ ಧನ್ಯವಾದಗಳು .. ಪಂಜುವಿನ ಅಖಾಡಕ್ಕೆ ಕರೆ ತಂದ ನಟರಾಜಣ್ಣನಿಗೆ ಹ್ರಿದಯಸ್ಪರ್ಶಿ ಧನ್ಯವಾದ ..  

  9. Ella hanigalu sundara… thanks for sharing with us…

Leave a Reply