Facebook

ಪಂಜು ಚುಟುಕ ಸ್ಪರ್ಧೆ: ಸ್ಫೂರ್ತಿ ಗೌಡ ಅವರ ಚುಟುಕಗಳು

ಕನ್ನಡದ ಬರಹಗಳನ್ನು ಹಂಚಿ ಹರಡಿ

1.ನಿರ್ಲಿಪ್ತತೆ

ನಿನ್ನ ನೆನಪಿಲ್ಲ

ಗಾಳಿ ಗಂಧವಿಲ್ಲ

ನಿದ್ದೆಯಲಿ ಕರಗಿಸುವ

ಮೋಹವಿಲ್ಲ

ನಿರ್ಲಿಪ್ತತೆ!!

ಯಾರೋ ಕೂಗಿದರು

ಕಲ್ಲು ಹೃದಯ

===========================

2. ವ್ರತ

ಗೆದ್ದ ಸ್ವಯಂವರದಲ್ಲಿ

ಹಂಚಿದ ಅಣ್ಣತಮ್ಮಂಗೆ

ಸಮಕಾಣವ್ವ

ಐದು ಬೆರಳು ನಿನ್ನವೇ

ಕುಂತಿಯ ಉಸಿರು

ಇದೇ ಗರತಿಯ ವ್ರತವೇ?

===========================

3. ಉಪವಾಸ

ಏಕಾದಶಿ ಉಪವಾಸ

ದ್ವಾದಶಿ ಉಪವಾಸ

ಸಿಕ್ಕಿತೋ ಪುಣ್ಯಫಲ?

ಹರಕು ಬಟ್ಟೆ

ಮುರುಕು ತಟ್ಟೆ

ಪ್ರತ್ಯಹಂ ಉಪವಾಸ

ಯಾರಾದರು ಇವನಿಗೆ ಕೊಡಿಸಿ

ಆ ನಿಮ್ಮ ಪುಣ್ಯ ಫಲ!

===========================

4. ಉಳುಮೆಯಿಲ್ಲ

ಒಲವಿನ ಕಿರಣ ಬೀರಿ

ಎದೆ ನೆಲದ ಕೃಷಿಯಾಗಿ

ಮೊಳೆಯುವುದೆಂತೋ 

ಪ್ರೀತಿ ಮೊಳಕೆ

ಭರವಸೆ ಮಣ್ಣಿನ ಕಂಪಿಲ್ಲದೆ

===========================

5. ನಶೆ

ಕಹಿ ನೆನಪು ಹಗಲಿರುಳು ಕಾಡಿ

ಎದೆ ಆಸೆ ಏನೆಂದು ಕೆದಕಿ

ಯಾವುದೊಂದೋ ಹುಚ್ಚು ನಶೆ

ಒಳ ಪ್ರೀತಿ ಬಣ್ಣ ತೆರೆಸಿ

ಎದೆಯಲ್ಲಿ ರಮಿಸುತಿದೆ

===========================

6. ಮರಳಲಿ ರೆಕ್ಕೆ

ಕಸಸಿನ ಕಲ್ಪನೆಗಳೆಲ್ಲ

ಕಣ್ಣಲ್ಲಿ ಸೆರೆನಿಂತು ಮಬ್ಬಾಗಿಸಿ

ಧುಮಿಕಿದಾಗ

ಕೆನ್ನೆ ತೊಯ್ದು

ಕನಸಿನ ಸೆರೆ ಬಿಚ್ಚಿತು

ರೆಕ್ಕೆಯಿಲ್ಲದ ಕನವು

ಆದವು ನೂರುಚೂರು

===========================

7 ಯಾರು!

ನನ್ನವರು ಎಂದುಕೊಂಡವರಾರು

ನನ್ನವರಲ್ಲ

ಸಂಬಂಧವಿಲ್ಲದವರು

ನೆರವಿಗೆ ಬಂದಾರು

ಹೃದಯ ತೆರದಿಡಿ

===========================

8. ಸ್ಥಿತಿ

ವಿಚಿತ್ರ ಸ್ಥಿತಿ ಕಾಡಿಸುತಿದೆ

ಒಲಿದು ಒಂದಾಗುವಾಗಲ್ಲ

ಒಡೆದು ಹೋಳಾಗುವಾಗ

ವಿಮುಖತೆಯನ್ನು ಗೆಲ್ಲಬೇಕೇ?

===========================

9. ಸಂವೃದ್ಧಿ

ಮಾರೆಯಾಗಿರುವ ಮಣ್ಣಿನ ಕಣ್ಣು ತೆರೆ

ಹೂಬಿಟ್ಟು ಎದೆ ಬಿರಿದು

ರಸ ತುಂಬಿ ಹಣ್ಣಾಗಿ

ಬೀಜ ನೀಡ್ಯಾಳು

===========================

10. ಪರಾಗ

ನೆನಪುಗಳು ನೂರಿದೆ

ಅರಳಲಿಲ್ಲ ನಾನು

ಬರುವತನಕ ನೀನು

===========================

11. ಹನಿ

ಭಾವಗಟ್ಟಿದ ಮೋಡ

ಹನಿಯಾಗಿ ಗುಡುಗಿರಲು

ಮಿಡಿತದ ಮುನ್ನುಡಿ

ಬರೆಯಲ್ಲಿ ಹೇಗೆ ನಾ

ಹಾಳೆ ನೀರಾಗಿದೆ

ಕಣ್ಣು ಮಂಕಾಗಿದೆ

===========================

12. ಶಾಶ್ವತ

ಪ್ರೀತಿಸುವ ಹೃದಯ ಕಲ್ಲಾದರೆ

ನಿನ್ನ ಹೆಸರು ಕಲ್ಲ ಮೇಲೆ ಶಾಶ್ವತ

ತಿರಸ್ಕಾರ ಬಡಿದರೆ ಬಿರುಕು

ನನ್ನ ಹೃದಯದಲ್ಲಿ ನಿನ್ನ ಹೆಸರು?

===========================

13. ಹಾರೈಕೆ

ಕನಸುಗಳ ಗಾಯಗಳು

ಮನದಿ ಕಲೆಯಾಗಿದೆ

ನಗುತಲಿರು ಕೊನೆವರೆಗೆ 

ನನ್ನ ಅಳು ನೋಡದೆ

=====================

13. ಮೊದಲು ಹೆಸರಿಡು

ಯಾವುದೇ ಕಥೆ ಗೀಜಿ ನಡದೆರೆ ಹೇಗೆ?

ಮನದ ನಿವೇದನೆ ಕೇಳುತಲೇ

ಬರೆದು ಬಿಡು, ಎಲ್ಲವ

ಇತಿಹಾಸವಾಗಲಿ

ಕೊನೆ ಕಾಣದ ಅರ್ಥವಾಗದ

ಅತಂತ್ರ ಈ ಸ್ಥಿತಿ

ಮೊದಲು ಹೆಸರಿಡು

=====================

14. ಕಣ್ಮರೆಯಾಗಿದ್ದಾರೆ

ಯಾವುದೇ ಮನುಷ್ಯನ ನಂಬಿ

ಬದುಕನ್ನ ಯಾರದೋ ಕೈಗಿಟ್ಟು

ಓಡಿ ಹೋದ ಹುಡುಕಿ.. ಹುಡುಕಿ..

"ಹಿಡಿಯಿರಿ"

ಈ ಸಂತೆಯಲ್ಲಿ ಕೇಳದವ್ವಾ

ಹೊಟ್ಟೆ ತುಂಬಿದ ಮಂದಿಗೆ

ನಿನ್ನ ಕೂಗು

=====================

15. ಬಾರೋ ರಾಮ..

ಯಾವ ಹತ್ತು ತಲೆಗೆ 

ಬಾಗ ಬೇಕು ಈ ಜಾನಕಿ

ಆಶೋಕ ವನದ ಗಂಧವೇ

ನೀಗುಸುತಿಹುದು ವಿರಹವ

ನಾನು ಬೆಂಕಿ, ಸ್ಫಟಿಕ, ಪತಿವ್ರತೆಯಂತೆ 

ಲೋಕದ ಮಾತು ಉಳಿಸಿಕೊಳಲೇ ಬೇಕು

ಆದರೂ.. ಬರಲಿಲ್ಲವಲ್ಲೋ ರಾಮ!

=======================

16. ಸಾರ್ಥಕತೆ

ಕಾವಲಾಕಿ, ಮುಳ್ಳಾಕಿ, ಬುಡ ಕಟ್ಟಿ,

ಸುತ್ತ ಹೆಣಿದರೇನು ಬೇಲಿಯಾ

ಯಾವ ಪಶುವಿಲ್ಲ, ಗಿಳಿವಿಂಡಿಲ್ಲ

ಹುಟ್ಟುವ ಹಣ್ಣು ಮಣ್ಣಲ್ಲೇ ಗೊಬ್ಬರ

ಬೇಲಿಯಿಲ್ಲದ ಬೇಳೆಯ ಮೇಯೈದಾವೊ ದನ

ಹಣ್ಣು ನೀಡಿದ ಮರಕ್ಕೆ ಸಾರ್ಥಕ

ಹಾಲು ನೀಡಿದ ತಾಯಿಗೆ ತೃಪ್ತಿ

==========================

17. ಪರಿಸ್ಥಿತಿ

ಓದದ ವ್ಯವಸ್ಥೆಯಾಗಿದೆ ಮನ

ಪುಟ್ಟ ಹರಿದು ಹಿಂದು-ಮುಂದು

ಅಕ್ಷರವೆಲ್ಲಾ ಛಿದ್ರ

ಮುನ್ನುಡಿಯಲ್ಲೇನೊ ಕಂಡಿತು

ಅರ್ಪಣೆಯಲ್ಲೇನೊ ಕಂಡಿತು

ವಿಚಿತ್ರ ಕುತುಹಲ

ತಳೆಯಿಟ್ಟು, ಜೋಡಿಸಿ ಸಾಲಗಿಸಿದರೆ

ಗೊಂದಲ, ಗೊಜು, ಗಲೀಜು!!

===========================

18. ನೀನು ನೀನಲ್ಲ

ನೆಲದ ಅನುಭವಿಲ್ಲ, ಮನದ ಅರಿವಿಲ್ಲ

ಉತ್ತಲಿಲ್ಲ, ಬಿತ್ತಲಿಲ್ಲ

ಫಲವಿಲ್ಲ ಎಂಬ ತಿರಸ್ಕಾರವೇಕೆ

ಪ್ರಕೃತಿ ರಹಸ್ಯ ತಿಳಿ 

ಮಾತಿಲ್ಲ ಎಂದರೆ ಮೌನವಲ್ಲ!!!

===========================

19. ಅಂಕು-ಡೊಂಕು

ಇದು ವಿಮುಖ, 

ಇದಕೋ ಲವಲವಿಕೆಯಿಲ್ಲ

ಇದಕ್ಕೆ ಸ್ಥಿತಿಯಿಲ್ಲ

ಹಾ.ಹಾ.ಹಾ ಇದ್ದಕ್ಕೆ ಬದುಕೆಯಿಲ್ಲ

ನಿನ್ನದು ಮಂಕು ಮಿದುಳು

ಕಲೆ ಅರ್ಥವಾದರೆ 

ಕಲಾಕೃತಿ ಮಹತ್ವ ತಿಳಿದೀತು

ಎಲ್ಲರು-ಎಲ್ಲವೂ ನೇರವಲ್ಲ ನಿನ್ನ ಮೂಗಿಗೆ

===========================

20. ತಟಸ್ಥ

ಬಸಿರಲ್ಲಿ ಬ್ರಹ್ಮಾಂಡ

ಉಸಿರಲ್ಲಿ ಜೀವಾಳ

ಕೊಟ್ಟನಲ್ಲೊ ಹೃದಯ

ಉಸಿರುನಿಲ್ಲಿಸಿ, ಬಸಿರು ತಿರುಗಿಸಿ

ಆತ್ಮಹಾರಿ, ಅಲೆಯುವಾಗ

ಯಾರೋ ನಿಲ್ಲಿಸಿದರಂತೆ

ಕೊನೆಯಲ್ಲಿ `ತಟಸ್ಥ'

=============================

21. ಖಾಲಿ

ಸ್ನೇಹ ಸಲುಗೆ ನನಗೆ

ನನ್ನ ಕೆಣಕುವ ವಿರಹ ನಿನಗೆ

ನೀ ನನ್ನ ಮನದಲ್ಲಿರುವೆಯಾ?

ಏನೋ ಆತಂಕ

ಭಾರದ ಹೃದಯ ಖಾಲಿ ಎನಿಸಿದರೆ..

=============================

22. ನೀವೇದನೆ

ಒಂದು ಬಾರಿ ಅತ್ತು ಬಿಡಲೇನು

ನಿನ್ನ ಬಿಂಬ ಕಣ್ಣಾದಾಗ

ಹೇಳದೇನೆ ಹೃದಯ ಸೇರಲೇನು

ಕಣ್ಣ ಹನಿಯೊಂದು

ದಾರಿ ಮರೆಸುವ ಮುನ್ನ

=============================

23. ಕರೆ

ಮನಸ್ಸಿನ ಮಾತುಗಳು ಪಿಸುಗುಟ್ಟಿ

ಕನಸೊಂದು ಮರೆಯದ ಹಾಡಾಗಿ

ಸಂಭ್ರಮದ ಪ್ರೀತಿ ಕರೆಯುತಿದೆ

=============================

23. ಬೇಕು ಕಾರಣ

ಬರುವಾಗ ಕಾರಣ ಹೇಳಲಿಲ್ಲ

ಹೋಗುವಾಗ ಕಾರಣ ಕೇಳಲಿಲ್ಲ

ತುಂಬಾ ಕಾಡುತಿಹುದು ಕಾರಣಗಳು

ಉತ್ತರವಿಲ್ಲದೆ

ಸಂಬಂಧಗಳೆ ಹೀಗೆನೋ..

=============================

24. ನಾಚಿಕೆ

ಸಂಜೆ ಬಿಸಿಲ ತಾಪ

ಮೈ ಏರಿದೆ

ಎರಡು ಕೈ ಸಾಲದು

ಮುಖ ಮರೆ ಮಾಚಲು

ನಿನ್ನೆದೆಗೊರಗಿ ಮುಚ್ಚಿಡಲೇ..

=============================

25. ಸಂಬಂಧ

ನಿನ್ನೊಂದಿಗಿದ್ದರೆ `ಸಂಬಂಧ'

ಅಕ್ರಮವೊ-ಸಕ್ರಮವೊ

ಜೀವ ಸಂಬಂಧಕ್ಕೆ ಹೆಸರಿದೆಯೇ

ಪ್ರಾಣ ಸಂಬಂಧಕ್ಕೆ ಹೆಸರಿದೆಯೇ

ದೇಹ ಸಂಬಂಧಕ್ಕೆ ಯಾಕೆ ಹೆಸರು!

=============================


ಕನ್ನಡದ ಬರಹಗಳನ್ನು ಹಂಚಿ ಹರಡಿ
You can leave a response, or trackback from your own site.

9 Responses to “ಪಂಜು ಚುಟುಕ ಸ್ಪರ್ಧೆ: ಸ್ಫೂರ್ತಿ ಗೌಡ ಅವರ ಚುಟುಕಗಳು”

  1. ಹಿಪ್ಪರಗಿ ಸಿದ್ದರಾಮ್, ಧಾರವಾಡ says:

    ಹನಿ ಹನಿ ಚುಟುಕುಗಳು…..ಚೆನ್ನಾಗಿವೆ….

  2. sachin naik says:

    Sambhanda..tumba ista aytu…

  3. Madhav Kulkarni says:

    ತುಂಬಾ ಚೆನ್ನಾಗಿದೆ. ಹೊಸ ಪದಗಳು, ಹೊಸ ಹೊಳಹುಗಳು, ಹೊಸ ಹೊಯ್ದಾಟಗಳು………ತುಂಬಾ ಚೆನ್ನಾಗಿ ಮೂಡಿಬಂದಿವೆ.

  4. Akhielsh Chipli says:

    Nice chutukagalu

  5. ವೆಂಕಟೇಶ(ಸಪ್ತಗಿರಿವಾಸಿ ) ಮಡಿವಾಳ ಬೆಂಗಳೂರು says:

    ಎಲ್ಲ ಕವನಗಳು ಇಷ್ಟ ಆದವು . ಎಲ್ಲವೂ ವಿಭಿನ್ನ -ವಿಶಿಸ್ತ  ವಸ್ತುಗಳ-ವಿಷಯಗಳ  ಪ್ರಯೋಗಗಳು 
    ಅಸ್ಟೆಲ್ಲ  ಬರಹಗಳನ್ನು ಒಟ್ಟಿಗೆ ಹಾಕದೆ ೫-೬ ಹಾಕಿದರೆ ಚೆನ್ನಿತ್ತು  ಅನಿಸಿತು . 
     
    ಶುಭವಾಗಲಿ 
     
    \।/ 

  6. ಸ್ವರ್ಣಾ says:

    ಚೆನ್ನಾಗಿವೆ…ಉಪವಾಸ ನೆನಪಲ್ಲುಳಿಯುತ್ತದೆ

  7. Hussain says:

    ಪ್ರತೀ ಹನಿಯೊಳಗಿನ ಗಾಢ ಮೌನ ಇಷ್ಟವಾಗುತ್ತದೆ 

  8. sharada.m says:

    nice

  9. ತುಂಬಾ ಚೆನ್ನಾಗಿವೆ…

Leave a Reply